"Манчестер Юнайтед" футболчилари португалиялик мутахассис Рубен Аморим қўл остида илк бор кетма-кет иккита уй учрашувида ғалаба қозонишди.
Куни кеча "қизил иблислар" "Олд Траффорд" стадионида Лондоннинг "Челси" клубини қабул қилди. Унда манкунианликлар 2:1 ҳисобида зафар қучди. Бундан аввалги уй учрашувида Аморим шогирдлари "Бёрнли"ни мағлуб этганди (3:2).
Таъкидлаш керакки, португалиялик мутахассис ўтган йилнинг ноябрь ойидан буён "Манчестер Юнайтед"ни бошқариб келмоқда.
Англия чемпионатида ўтказилган 5 ўйиндан сўнг "қизил иблислар" 7 очко жамғарган ҳолда турнир жадвалида 10-ўринни эгаллаб турибди.
