"Барселона" бош мураббийи Ханс-Дитер Флик Ла Лига доирасида "Хетафе"га қарши кечган йирик ғалабадан (3:0) кейинги таассуротлари билан ўртоқлашди.
"Кўк-анорранглилар"га уч очкони биринчи бўлимда икки бор гол урган Ферран Торреснинг дубли келтирди. Учинчи голга Дани Ольмо муаллифлик қилди.
"Ўйинни назорат қилдик, яхши ҳаракат қилдик ва ғалабага эришдик. "Хетафе"га гол уриш ҳар доим ҳам осон бўлмаган, аммо биз буни уддаладик. Сўнгги ўйинларда кўрсатган ўйинлари учун жамоадан миннатдорман. Ўтган якшанба куни ўйнадик, кейин Чемпионлар Лигасида "Ньюкасл" билан қийин ўйин ўтказдик, бугунги баҳс ҳам осон бўлмаслиги аниқ эди. Учала ҳолатда ҳам ҳақли равишда ғалаба қозондик, бундан жуда хурсандман," - дея Фликнинг сўзларини келтиради Barca Universal.
"Барселона" Испания чемпионати 5-туридан кейин 13 очко билан 2-ўринда бормоқда.
