"Барселона" бош мураббийи Ханс-Дитер Флик "Олтин тўп"ни топшириш маросими ҳақида гапирди.
Тадбир 22 сентябрь, душанба куни Парижда бўлиб ўтади. Аввалроқ, "кўк-анорранглилар" бош мураббийи маросимни ҳурмат қилишини ва жамоа футболчилари билан бирга маросимда иштирок этишдан мамнун бўлишини айтганди. Журналистлар бу жумлада ўтган йили совринни бойкот қилишга қарор қилган Мадриднинг "Реал" клуби шаънига киноя топишди. Немис мураббий бундай тахминларни ёқтирмади.
"Қўйсангиз-чи... Мен у ерга бораман, чунки мураббийлик номинациясида қатнашаман ва бизда турли совринларга даъвогар футболчилар бор. Бунинг "Реал"га ҳеч қандай алоқаси йўқ. Менга саволингиз ёқмаяпти. "Реал" ва бошқа клублар ҳақида гапирмоқчи эмасман - эътиборимни фақат "Барселона"га қаратганман," - дея жавоб берди Флик "Хетафе"га (3:0) қарши ўйиндан кейин ўтказилган матбуот анжуманида.
