"Хетафе"га қарши ўйин "Барселона" ҳужумкор ярим ҳимоячиси Дани Ольмо учун ўзига хос бўлди.
15-дақиқада 27 ёшли футболчи ҳисобни очган Ферран Торресга голли узатма берди, 63-дақиқада эса ўзи гол уриб, "кўк-анорранглилар"нинг устунлигини йирик кўринишга келтирди - 3:0. Opta маълумотига кўра, Ольмо "Барселона" сафида илк бор бир ўйинда гол ва голли узатма муаллифига айланди. Бугунги ўйин испаниялик учун жамоа таркибидаги 45-учрашув бўлади.
Дани Ольмо ўтган йилнинг августида Германиянинг "РБ Лейпциг" клубидан "Барса" сафига келиб қўшилган эди. Умуман олганда, футболчининг ҳисобида 13 та гол ва тўққизта голли узатма бор.
