"Барселона" вингери Рафинья Диас барча мусобақаларда клуб сафидаги 150-учрашувини ўтказди. Бразилиялик футболчи Ла Лига доирасидаги "Хетафе"га қарши ўйинда асосий таркибда майдонга тушди ва 34-дақиқада Ферран Торреснинг иккинчи голига ассистентлик қилди. Рафинья 2022 йилда клубга келганидан бери "кўк-анорранглилар" сафида 47 та голли узатмани амалга оширди. Европанинг бешта етакчи лигаларида ўйнаган барча футболчилар орасида фақат Муҳаммад Салоҳ (54) ва Кевин де Брюйне (53) шу даврда кўпроқ голли узатма берган.
Рафиньянинг ҳисобида Ла Лигада урилган 57 та гол ҳам бор. Ханс-Дитер Флик "Хетафе"га қарши кечган бугунги ўйинда 28 ёшли футболчи ўрнига танаффусда Маркус Рэшфордни майдонга туширди.
