Пойтахтимизда соҳил волейболи бўйича эркаклар ва аёллар жамоалари ўрасида ўтказилган Республика турнири ўз ниҳоясига етди.
Мусобақа давомида юртимизнинг турли ҳудудларидан келган 8 та эркаклар, 10 та аёллар жамоалари ғолиблик учун кураш олиб борди.
Шиддатли кечган баҳслар натижасида Ўзбекистон миллий терма жамоаси йигит ва қизлари ғолибликни тантана қилган бўлса, аёллар жамоалари орасида Тошкент вилояти ва Қорақалпоғистон Республикаси волейболчи қизлари совриндорликка эришди.
Эркаклар жамоалари ўртасидаги ўйинлар сарҳисобига кўра, Қашқадарё ҳамда Жиззах жамоаси волейболчилари 2 ва 3-ўрин соҳиби бўлди. Турнир якунида ғолиб ва совриндор жамоалар муносиб тақдирланди.
