"Байер"нинг чап қанот ҳимоячиси Алехандро Гримальдо ёзда жамоадан кетиш ҳақида ўйлаганини тан олди.
"Мен ўтган ёзда кетиш ҳақида ўйлагандим, аммо охир-оқибат ўзимга: қоламан, дедим. "Байер"да ўзимни севимли мухлисларим ва клубимдек ҳис қиляпман. Бу ерда яна бир мавсум бўлса ҳам фойдам тегади, деб ўйладим. Шундай экан, мавсумдан завқланиб, бор кучим билан ҳаракат қиламан," - дея Гримальдонинг сўзларини келтиради Sky Germany телеканали.
2025/2026 йилги мавсумда Алехандро Гримальдо олтита ўйинда майдонга тушиб, тўртта гол ва битта голли узатмани ўз ҳисобига ёздириб қўйди.
Нуфузли "Transfermarkt" портали 30 ёшли Гримальдони 30 миллион еврога баҳоламоқда.
