"Тоттенхэм" Лига кубоги доирасида ўз майдонида "Донкастер"га қарши баҳсга тайёргарлик кўрмоқда. Матбуот анжуманида Лондон жамоаси бош мураббийи Томас Франк жамоадаги кадрлар ҳолати ҳақида бир неча сўз айтиб ўтди.
"Коло-Муани ва Дэвис майдонга туша олмайди. Уларда кичик жароҳатлар бор, аммо ҳозирча тикланиш муддати жуда қисқа. Соланке ва Такаи? Улар ривожланмоқда. Бугун жамоа билан машғулот ўтказдик," - деди Франк журналистларга.
Қўшимча қиламизки, "Тоттенхэм" Премьер-лига турнир жадвалида учинчи ўринда бормоқда. Франк жамоаси ўтган 5 турда 10 очко тўплашга муваффақ бўлди.
