Бразилиялик вингер Антони "Манчестер Юнайтед"дан трансфердан сўнг "Бетис"даги илк самарали ҳаракатини амалга оширди.
Европа Лигаси умумий босқичининг 1-туридан ўрин олган "Ноттингем Форест"га (2:2) қарши баҳсда 25 ёшли футболчи Седрик Бакамбунинг голига ассистентлик қилди.
Антони "Бетис" мухлисларига аллақачон таниш - ўтган мавсумнинг иккинчи қисмида у клубда ижара асосида ўйнаган ва бешта гол уриб, шерикларига иккита голли узатмани амалга оширганди. Ўтган ёзда испан клуби бразилиялик футболчининг шартномасини 22 млн евро ва бонусларга сотиб олганди.
