"Интер Майами" бош мураббийи Хавьер Маскерано ярим ҳимоячи Серхио Бускетснинг кетиши мумкинлиги ҳақидаги саволга жавоб берди.
37 ёшли футболчи шу йил охирида, майамиликлар билан шартномаси тугаши билан бутсаларини михга осиши кутилмоқда.
"Бускетс яна қанча вақт ўйнашини билмайман, лекин мен учун у тарихдаги энг яхши ярим ҳимоячилардан бири.
Бу каби ассистлар ("Нью-Йорк Сити"га қарши ўйинда) у учун одат бўлиб қолган. Умид қиламанки, у бу мавсумнинг қолган ўйинларида бизга ёрдам бера олади", - дея Маскеранонинг сўзларини келтиради Inter Miami News Hub.













