"Манчестер Сити" устози Хосеп Гвардиола "Хаддерсфилд"га (2:0) қарши кубок ўйинидан кейин ярим ҳимоячи Фил Фоденнинг ўйинига баҳо берди. Бўлиб ўтган учрашувда англиялик футболчи гол ва ассист муаллифига айланди.
"Фоден жарима майдони яқинида ҳаракат қилиб, эркинликка чиққач, у кўп нарсага қодир. Филнинг ҳаракатларини сўнгги ўйинларда кўряпмиз. Жамоа яхши ўйнаса, унинг ҳар бир футболчиси ўз даражасини кўрсатади. Охирги бир неча ўйинда Фил жуда яхши ўйнади", - дея изоҳ берди мутахассис ОАВ вакиллари билан мулоқот чоғида.
Жорий мавсумда Фоден "шаҳарликлар"нинг 5 та учрашувида қатнашиб, 2 та гол урди ва 1 та голли узатмани амалга оширди.
