"Manchester Siti" ustozi Xosep Gvardiola "Xaddersfild"ga (2:0) qarshi kubok o‘yinidan keyin yarim himoyachi Fil Fodenning o‘yiniga baho berdi. Bo‘lib o‘tgan uchrashuvda angliyalik futbolchi gol va assist muallifiga aylandi.

"Foden jarima maydoni yaqinida harakat qilib, erkinlikka chiqqach, u ko‘p narsaga qodir. Filning harakatlarini so‘nggi o‘yinlarda ko‘ryapmiz. Jamoa yaxshi o‘ynasa, uning har bir futbolchisi o‘z darajasini ko‘rsatadi. Oxirgi bir necha o‘yinda Fil juda yaxshi o‘ynadi", - deya izoh berdi mutaxassis OAV vakillari bilan muloqot chog‘ida.

Joriy mavsumda Foden "shaharliklar"ning 5 ta uchrashuvida qatnashib, 2 ta gol urdi va 1 ta golli uzatmani amalga oshirdi.