"Барселона" ярим ҳимоячиси Гави тизза жароҳати туфайли жарроҳлик амалиётидан ўтди. 21 ёшли футболчи шифохонада ётган суратини ижтимоий тармоқдаги саҳифасига жойлади. Суратда унинг ёнида уч нафар жамоадоши - Ламин Ямал, Педри ва Рональд Араухони кўриш мумкин. Улар Гавига уни руҳий қўллаб-қувватлов бериш учун шифохонага боришган.

Илгари "Барселона" Гавининг тикланиши учун 4 ойдан 5 ойгача вақт кетишини маълум қилганди. Шу сабабли, ярим ҳимоячини майдонда 2026 йилда кўришимиз мумкин бўлади.

Пайшанба куни "Барселона" Испания чемпионатининг 6-тури доирасида "Реал Овьедо" жамоаси меҳмони бўлади.