Англия футболининг иккинчи лигасидаги "Блэкберн" ва "Ипсвич Таун" ўртасидаги Чемпионшип учрашуви тўлиқлигича такроран ўтказилади.
Жамоалар 20 сентябрь, шанба куни тўқнаш келишганди.
Ўйиннинг 79-дақиқасида, ҳисоб 1:0 кўринишида бўлганда ҳакам кучли ёмғир туфайли жамоаларни майдондан олиб чиқиб кетди. Ўшанда майдон яроқсиз ҳолга келганди.
"Кенгаш ҳар икки клубнинг фикрини инобатга олган ҳолда регламентга мувофиқ барча мумкин бўлган вариантларни ҳар томонлама кўриб чиқди.
Якунда кўпчилик овоз билан ўйинни тўлиқ қайта ўтказиш учун қарор қабул қилинди", - дейилади Англия футбол лигаси сайтида.
