«Атлетико» клуби стадион ҳудудидаги Тибо Куртуа номи ёзилган табличкани олиб ташлаши мумкин.

Бугун «Реал»га қарши Ла Лиганинг 7-туридан ўрин олган дерби (5:2) олдидан «матрасчилар» мухлислари яна бир бор бельгиялик дарвозабон номи ёзилган табличкани чиқиндилар билан тўлдиришди.

The Athletic нашри журналисти Гильермо Раи маълумотига кўра, «Атлетико»да клубнинг собиқ ўйинчилари номлари туширилган табличкалар «афсоналар аллеяси»га жойлаштирилиш тизимини ўзгартириш масаласи жиддий кўриб чиқилмоқда. Бунда тегишли қарорлар мухлислар овоз бериш натижаларига кўра қабул қилиниши мумкин.

Куртуа номи ёзилган табличка абадий олиб ташланиши эҳтимоли бор.

Тибо «Атлетико» сафида 2011 йилдан 2014 йилгача тўп сурган. 2018 йилдан эса «Реал»да ўйнаб келмоқда.