Франция чемпионатининг 6-турида "ПСЖ" ўз майдонида "Осер"ни 2:0 ҳисобида мағлуб этди. Мезбон жамоа таркибида голлардан бирини ҳимоячи Илья Забарний урди.
Париж жамоаси бош мураббийи Луис Энрике украиналик футболчининг ўйини ҳақида фикр билдирди.
"Гол - бу фақат биргина деталь. Агар Забарнийнинг бутун ўйинини кўриб чиқсак, менга ҳамма нарса маъқул. У ажойиб ҳимоячи, юқори даражадаги маҳоратни намойиш этмоқда. Илья жамоамизда бўлганидан хурсандмиз", - дея испаниялик мутахассиснинг сўзларини келтиради Le Parisen.
Эслатиб ўтамиз, Париж гранди Забарнийни ёзги трансфер ойнасида ўз сафига қўшиб олган эди.
