Кеча "Манчестер Сити" Англия Премьер-лигасининг 6-турида "Бёрнли"ни тор-мор келтирди - 5:1.
Ҳамюртимиз Абдуқодир Ҳусанов ушбу ўйинни жароҳат сабаб ўтказиб юборди.
Унинг ўрнига майдонда ҳаракат қилган португалиялик футболчи Матеус Нунес ўзини кўрсата олди. 27 ёшли футболчи SofaScore порталига кўра 7,5 баллга лойиқ кўрилди ва ҳимояда энг юқори балл олган футболчи бўлди.
У нафақат орқа чизиқдаги ишончли ҳаракатлари, балки ҳужумдаги фаоллиги билан ҳам ажралиб турди. Нунес жамоасининг ўйиндаги иккинчи голи муаллифи бўлди.
Кўриниб турибдики, португалиялик футболчи Ҳусанов билан асосий таркиб учун жиддий рақобат қилишга тайёр.
