Якшанба куни Италия чемпионатининг марказий ўйинида "Милан" бешинчи тур доирасида "Наполи"ни 2:1 ҳисобида мағлуб этди. Массимилиано Аллегри шогирдларига иккинчи бўлимдаги четлатиш ҳам халақит бермади. Англиялик ҳимоячи Фикайо Томори "Милан" учун омадли кечган ўйин ҳақида фикр билдирди.
"Биз уддаладик, жуда яхши ўйин ўтказдик, айниқса биринчи бўлимда. Зич ҳимояландик ва четлатилганидан кейин ҳам оптимизмни йўқотмадик. Бу ғалабага олиб келди," - дея Томорининг сўзларини келтиради pianetamilan.it.
Италия чемпионатининг навбатдаги турида "Милан" Туриннинг "Ювентус" клубига қарши майдонга тушишига тўғри келади.
