Робер Пиреснинг фикрича, "Арсенал" учун Чемпионлар Лигасидан кўра АПЛдаги ғалаба муҳимроқ.

— Бугунги кунда «Арсенал» учун қайси бири муҳимроқ – АПЛдаги ғалабами ёки Чемпионлар Лигасидагими?

— Англияда Премьер-лига титулининг қадри анча юқори. Албатта, Чемпионлар Лигасидаги ғалаба – бу орзу, лекин шуни айтишимиз керакки: инглизлар ўз чемпионатларини севишади. Чунки у мураккаб, тўхтовсиз давом этади – августда бошланиб, майда тугайди.

Чемпионлар Лигасида эса доимо танаффуслар бўлади, ўйинлар икки ҳафтада бир марта ўтказилади. Ҳа, сиз катта клубларга қарши ўйнайсиз. Аммо гап шундаки, Англия чемпионати шунчалик қийин, оғир ва талабчан-ки, сиз унда ғалаба қозонсангиз, ҳақиқатан ҳам бахтли бўласиз.

Шундай экан, менимча, агар «Арсенал» мухлисларидан АПЛни ютишни ёки Чемпионлар Лигасини ютишни хоҳлашларини сўрасангиз, уларнинг барчаси Премьер-лигани айтишади, – деди «Арсенал»нинг собиқ ярим ҳимоячиси.