Ҳозирда Каталониянинг "Барселона" клуби спорт директори бўлиб ишлаётган футбол функционери Деку ярим ҳимоячи Дани Ольмонинг агенти билан учрашганлигт маълум бўлди. Бу ҳақда Sport.es хабар бермоқда.
Манбага кўра, томонлар хавбекнинг ҳозирги формаси, шунингдек, унинг "кўк-анорранглилар" сафидаги кейинги истиқболларини муҳокама қилган. Ольмо жорий мавсум "Барселона"нинг 8 та учрашувида қатнашиб, 1 та гол ва 2 та голли узатмани ўз ҳисобига ёздириб қўйди.
27 ёшли ярим ҳимоячи ўтган йилнинг ёзида каталонияликлар сафига қўшилган эди. Томонлар ўртасидаги амалдаги шартнома муддати 2030 йил июнь ойи охирида тугайди. Унинг бозор қиймати 60 миллион еврога баҳоланмоқда.
