Hozirda Kataloniyaning "Barselona" klubi sport direktori bo‘lib ishlayotgan futbol funksioneri Deku yarim himoyachi Dani Olmoning agenti bilan uchrashganligt ma’lum bo‘ldi. Bu haqda Sport.es xabar bermoqda.
Manbaga ko‘ra, tomonlar xavbekning hozirgi formasi, shuningdek, uning "ko‘k-anorranglilar" safidagi keyingi istiqbollarini muhokama qilgan. Olmo joriy mavsum "Barselona"ning 8 ta uchrashuvida qatnashib, 1 ta gol va 2 ta golli uzatmani o‘z hisobiga yozdirib qo‘ydi.
27 yoshli yarim himoyachi o‘tgan yilning yozida kataloniyaliklar safiga qo‘shilgan edi. Tomonlar o‘rtasidagi amaldagi shartnoma muddati 2030 yil iyun oyi oxirida tugaydi. Uning bozor qiymati 60 million yevroga baholanmoqda.
