"Манчестер Сити" бош мураббийи Хосеп Гвардиола жамоа сардори Бернарду Силва ҳақида фикр билдирди.

"Бернарду - мен мураббийлик қилган энг яхши футболчилардан бири. Ўн йил давомида жамоада ушбу футболчи борлиги мен учун катта шараф. У ғайриоддий футболчи, ақлли, пластик, кўп позицияларда ўйнай олади. У бизда борлигидан жуда, жуда хурсандман," - дея Гвардиоланинг сўзларини келтиради City Xtra.

Силва 2017 йилдан буён "Манчестер Сити" шарафини ҳимоя қилиб келмоқда. У жорий мавсум барча мусобақаларда 7 та учрашувда майдонга тушди ва 1 та голли узатмани амалга оширди.