«Пари Сен-Жермен» бош мураббийи Луис Энрике жамоасининг Чемпионлар лигаси умумий босқич 2-турида «Барселона»га қарши (2:1) ўйини ҳақида фикр билдирди.
«Жуда яхши ўйин бўлди. Икки жамоа ҳам қўпол фолларсиз, футбол ўйнашга интилиб, узатмалар ва комбинациялар орқали рақибни “жароҳатлаш”га ҳаракат қилганда, беллашув мазмунли чиқади. «Барселона» голгача яхшироқ кўринди, биз эса ҳисобда орқада қолгандан сўнг бирлашдик ва Нуну Мендеш ажойиб вазият яратди. Иккинчи бўлимда, менинг фикримча, устунлик биз томонда эди», — дея Энрикенинг сўзларини Marca келтирди.













