"Барселона"нинг собиқ футболчиси Гаиска Мендьета Хави "Манчестер Юнайтед"ни бошқаришга рози бўлиши мумкин, деб ҳисобламоқда.
"Ўйлайманки, агар бу тўғри лойиҳа бўлса, Хави қизиқиш билдиради. Ким Премьер-лигада мураббийлик қилишни истамайди? "Манчестер Юнайтед"га мураббийлик қилишни ким хоҳламайди, ҳатто ҳозирги қийин даврда ҳам?
Агар лойиҳа Хавига маъқул келса, ишончим комилки, у рози бўлади. У аллақачон тайёргарлик кўрган ва ўз имкониятини кутмоқда. Биламан, унда бир нечта вариантлар бор эди, аммо лойиҳалар мос келмади," - деди Мендьета.
Хави 2023/2024 йилги мавсум якунида "Барселона"ни тарк этганидан кейин ҳозирча ишсиз.
