Мадриднинг "Реал" клуби раҳбариятида "Ливерпуль" ҳимоячиси Ибраима Конате трансферининг мақсадга мувофиқлиги борасида шубҳалар пайдо бўлди. Бу ҳақдаги маълумотни Fichajes нашри эълон қилди.
Манбага кўра, "Реал"нинг юқори мартабали вакиллари 26 ёшли футболчининг ҳозирги ҳолатидан келиб чиқиб, унинг таклиф этилишига шубҳа билан қарамоқда. Келаси ёзда французнинг "Ливерпуль" билан шартномаси якунланади ва "қаймоқранглилар" уни жамоага таклиф қилишга тайёр эди, аммо энди раҳбарият бир тўхтамга кела олмаяпти.
Жорий мавсумда Ибраима Конате барча турнирларни қўшиб ҳисоблаганда тўққизта ўйинда иштирок этди ва учта сариқ карточка олди.
