"Челси" бош мураббийи Энцо Мареска жамоанинг навбатдаги рақибини баҳолади. Шанба куни "аристократлар" ўз майдонида "Ливерпуль"га қарши баҳс олиб боради.
"Мен уларни Англиянинг айни пайтдаги энг яхши жамоаси деб ҳисоблайман. Улар буни Премьер-лигада ғалаба қозониб исботлашди. Ҳозир биз олдинга силжияпмиз, муаммоларни ҳал қилишга, ечим топишга ҳаракат қиляпмиз", - деди Мареска матбуот анжуманида.
"Ливерпуль" 6 турда 15 очко жамғарган ҳолда Премьер-лигада пешқадамлик қилмоқда. "Челси" 8 очко билан 8-поғонада бормоқда.
"Челси" ва "Ливерпуль" ўртасидаги ўйин 4 октябрь куни Тошкент вақти билан соат 21:30да бошланади.
