Хорватиялик собиқ футболчи Иван Ракитич Лука Модрич билан "Милан"нинг чемпионлик учун имкониятлари ҳақида фикр билдирди.
"Россонерилар"нинг 40 ёшли янги футболчиси жорий мавсумда ажойиб ўйин намойиш этмоқда. Кенг тарқалган фикрларга кўра, айнан юлдуз хавбек туфайли Массимилиано Аллегри жамоаси А Сериянинг жорий мавсвумида чемпионлик учун кураша олади.
"Модрич биринчи мавсумдаёқ "Милан" билан Скудеттони ютиши мумкинми? Ҳа, бу мумкин, лекин март ойида ҳаммаси ҳал бўлади. Менга мавсум давомида ўйинини кучайтирадиган жамоалар ёқади. Ноябрь ёки февраль ойларида энг яхши формада бўлиш шарт эмас - кучли баҳорни ўтказиш муҳимроқ. Агар шундай бўлса, "Милан" Аллегридек муваффақиятли мураббий билан чемпион бўлиши мумкин," - деди Ракитич La Gazzetta dello Sport нашрига берган интервьюсида.
"Милан" 5 турдан кейин 15 очко билан мусобақа жадвалида пешқадамлик қилмоқда.
