"Барселона" ҳужумчиси Роберт Левандовскининг амалдаги шартномаси келаси ёзда ўз ниҳоясига етади. Агар клуб тегишли бандни фаоллаштиришга қарор қилса, юлдуз фахрий яна бир йил қолиши мумкин, аммо бундай сценарий эҳтимоли унчалик юқори эмас. Catalunya Radio хабарига кўра, "кўк-анорранглилар" раҳбарияти ҳозирча 37 ёшли футболчи билан шартномани узайтириш бўйича музокара ўтказмаяпти. "Барса" январгача кутишни режалаштирмоқда, шундан сўнг хулосалар чиқарилади.
Роберт Левандовски жорий мавсумда 8 та ўйинда 4 та гол урди. Польшалик ҳужумчи ҳозирча асосий таркиб учун курашда Ферран Торресга ютқазмоқда.
