"Арсенал" ўз майдонида АПЛ 7-турида "Вест Хэм"ни мағлуб этди - 2:0.
Мезбонлардан Деклан Райс ва Букайо Сака ўз ҳисобига гол ёздириб қўйди. "Канонирлар" ярим ҳимоячиси Мартин Эдегор биринчи бўлимда жароҳат олди, унинг ўрнига Мартин Субименди майдонга тушди.
"Арсенал" 7 ўйинда 16 очко тўплаб, АПЛ турнир жадвалида 1-ўринга чиқиб олди. Иккинчи ўринда 6 ўйинда 15 очко тўплаган "Ливерпуль" бормоқда. 4 октябрь, шанба куни мерсисайдликлар "Челси"га қарши ўйин ўтказади, баҳс соат 21:30да бошланади.
"Вест Хэм" 4 очко билан Премьер-лига турнир жадвалида сўнгги поғонадан олдинги 19-ўринни эгаллаб турибди.
Кейинги турда "Арсенал" сафарда "Фулхэм" билан баҳс олиб борса, "Вест Хэм" ўз майдонида "Брентфорд"ни қабул қилади.
АПЛ, 7-тур
04.10.2025, шанба, 19:00
Арсенал - Вест Хэм - 2:0
Голлар: Райс, 38 (1:0). Сака, 67 - пенальтидан (2:0)
Арсенал: Райя, Салиба, Габриэл Магальяйнс, Калафьори (Льюис-Скелли, 75), Тимбер, Райс (Мерино, 79), Эзе (Мартинелли, 79), Эдегор (Субименди, 30), Троссар (Нванери, 75), Сака, Дьёкереш
Вест Хэм: Ареола, Килман, Мавропанос, Диуф, Ван-Биссака (Уокер-Питерс, 79), Магасса (Поттс, 61), Лукас Пакета, Фернандеш, Саммервилл, Боуэн, Фюллкруг (Маршалл, 61)
Огоҳлантиришлар: Саммервилл, 58. Лукас Пакета, 69
