"Барселона" марказий ҳимоячиси Рональд Араухо "Севиля"га қарши ўйинда (1:4) антиқаҳрамонлардан бирига айланди.
Айнан уругвайлик футболчи ўйин бошида жарима майдони ичида қоида бузди - Алексис Санчес пенальтини аниқ амалга ошириб, ҳисобни очди. Танаффусда Араухо ўрнига Эрик Гарсия майдонга тушди.
"Баъзилар Араухони ўша вазиятда пенальти бўлмагани билан оқламоқда, аммо бунинг аҳамияти йўқ. Муаммо шундаки, у қўлларидан фаол фойдаланган ҳолда ўйламасдан курашга киришди, керак бўлмаганда оёғини ҳам тиқди," - дея каталониялик журналистнинг сўзларини келтиради Barca Universal.
