"Милан" ярим ҳимоячиси Адриен Рабьо "Ювентус"га (0:0) қарши ўйиндаги дурангдан кейинги таассуротлари билан ўртоқлашди.
Массимилиано Аллегри жамоаси Туринда уч очко олиши мумкин эди, бироқ Кристиан Пулишич 53-дақиқада пенальтидан унумли фойдалана олмади.
"Мен учун бу ҳиссий кеча. "Ювентус"нинг кўплаб футболчиларини, стадионни, ходимларни ва ҳатто мураббий Тудорни ҳам биламан. Бу ерга қайтиш ёқимли эди. Ғалаба қозонишни истардим, аммо футбол шунақа.
Ғазабдаман, ахир биз ғалаба қозонишимиз керак эди - бизда етарлича вазиятлар бўлди, аммо нимадир етишмади. Такомиллашишда давом этиш керак, мавсум энди бошланди," - дея Рабьонинг сўзларини келтиради Football Italia.
Эслатиб ўтамиз, франциялик хавбек 2019-2024 йиллар давомида "Ювентус" шарафини ҳимоя қилган. "Милан"га у сентябрь ойи бошида "Марсель"дан ўтган.
