"Боруссия Дортмунд" марказий ҳужумчиси Серу Гирасси келаси ёзда жамоасини ўзгартириши мумкин.
Bild нашри хабарига кўра, 29 ёшли гвинеялик форварднинг "асаларилар" билан 2028 йил ўрталарига қадар мўлжалланган шартномасида 65 миллион евро товон пули бор. Унга "Барселона" асосий даъвогарлардан.
Гирасси 2024 йилда "Штутгарт"дан 18 миллион еврога "Дортмунд" клубига ўтган. У жорий мавсумда 13 та ўйинда 10 та гол уриб, 3 та ассист берган.













