Шерхан Калмурза таълим грантига эга бўлди.
Қозоғистон Республикаси фан ва олий таълим вазири Саясат Нурбек "Қайрат" дарвозабони, Қозоғистон спорт ва туризм академияси талабаси билан учрашди.
Тенгдошларига далда ва намуна сифатида пуллик асосда таҳсил олаётган 18 ёшли футболчига ректорлик таълим гранти топширилди.
Шерхан Калмурза кўрсатилган эътибор учун миннатдорчилик билдириб, бундан кейин ҳам меҳнат қилиш ва Қозоғистонда футбол ривожига ҳисса қўшиш ниятида эканлигини таъкидлади.
Бунгача Чемпионлар лигаси доирасида "Реал"га қарши кечган ўйин (0:5) фонида Калмурза қозоғистонлик тадбиркордан Exeed автомобилини совға сифатида олганди.
