Мадриднинг "Реал" клуби ва Бельгия терма жамоаси собиқ ярим ҳимоячиси Эден Азар франциялик афсонавий ярим ҳимоячи Зинедин Зидан ҳақида гапирди.
"Мен учун футбол қаҳрамони ким? Бу осон танлов - Зинедин Зидан. Мен унинг 1998 йилги жаҳон чемпионатидаги ўйинини кузатгандим. Ўшанда "Зизу" менинг севимли футболчим эди," - дея бельгияликнинг сўзларини келтиради SoccerBible.
Эслатиб ўтамиз, Эден франциялик мутахассис қўл остида "қироллик клуби" шарафини ҳимоя қилган.
Азар 2019 йилдан 2023 йилгача "Реал" шарафини ҳимоя қилган. Бельгия терма жамоаси сафида ярим ҳимоячи 126 та ўйин ўтказиб, 33 та гол урган.













