"Реал"нинг бразилиялик ҳужумчиси Родриго жамоа бош мураббийи Хаби Алонсо билан суҳбати ҳақида гапириб берди.
"У келганида мени суҳбатга чақирди ва шундай деди: "Биламан, сенга чап қанотда ўйнаш ёқади, лекин сен менга бошқа позицияларда ҳам кераксан." Ва мен унга у хоҳлаган жойда ўйнашга қарши эмаслигимни, жамоага ёрдам бериш учун келганимни айтдим. Мураббийнинг қарорларини ҳурмат қилишимиз керак," - дея Родригонинг сўзларини келтиради Diario АС.
Шунингдек, Родриго нафақат асосий таркибда майдонга тушганида, балки сўнгги 20 дақиқада майдонга тушганида ҳам бор кучини майдонда қолдиришинг керак, деб ҳисоблайди.
