Германия футболи афсонаси Руди Фёллер яқинда Sky Germany телеканалига берган интервьюсида "Барселона" дарвозабони Марк-Андре тер Штегенни қўллаб-қувватлади.
"Тер Штеген каби дарвозабон жаҳон чемпионатида иштирок этишга лойиқ. Бауманн ҳозирда захира ўйинчиси сифатида яхши ҳаракат қилмоқда, аммо биринчи рақам тер Штеген бўлиши керак," - дейди Германия терма жамоаси афсонаси.
"Умид қиламанки, тер Штеген тез орада яна майдонга тушади. Ёки "Барса" таркибида, ёки январда бошқа клубда. Бу жуда муҳим. Терма жамоага қайтиш учун у ўйнаши керак. У ўзида ажойиб имконият борлигини ва агар қайтса, катта эҳтимол билан ЖЧда бизнинг дарвозабонимизга айланишини тушунади. Ўйлайманки, бу барчамиз учун фойдали бўлади," - дея қўшимча қилди Феллер.
