Англиялик машҳур собиқ футболчи Стивен Жеррард Хаби Алонсонинг мураббийлик фаолияти ҳақида қандай фикрда эканини айтди.

Испаниялик футболчи июнь ойидан буён Мадриднинг "Реал" клубини бошқармоқда. "Қироллик клуби"га қайтишидан олдин Алонсо "Байер"да муваффақиятга эришди.

"Хабининг парвози мени ажаблантирмайди. У футболчи бўлган пайтидаёқ ўйинни доимий равишда ўрганган. У жуда ақлли, ҳар доим футболни жуда яхши тушунарди. У билан ўйнар экансан, худди мураббий билан ўйнагандек бўласан. Уни кун бўйи тинглаш мумкин.

Алонсо учун жуда хурсандман. Ажойиб инсон, ажойиб ўйинчи. Ишончим комилки, у шу руҳда давом этса, топ-мураббийга айланади. У қисқа вақт ичида кўп нарсани исботлаб бўлди," - деди Жеррард Рио Фердинанд подкастида.