"Ювентус" ҳужумкор ярим ҳимоячиси Кенан Йилдиз клуб билан шартномани узайтиришга рози бўлди.
Томонлар 2030 йилгача мўлжалланган келишув шартлари бўйича келишувга эришди, деб хабар бермоқда журналист Экрем Конур. 20 ёшли футболчи тахминан 5 млн евро ва бонуслар ишлаб топади. Истиқболли туркиялик футболчига Лондоннинг "Челси" ва "Арсенал" клублари қизиқиш билдираётганди, аммо "кекса синmора" ёш юлдузини бунга кўндира олди.
Кенан Йилдиз жорий мавсумда 8 та баҳсда 2 та гол ва 4 та ассистни ўз ҳисобига ёздириб қўйди. Transfermarkt экспертлари футболчининг нархини 75 млн еврога баҳоламоқда.
