Сўнгги вақтларда соғлиғи билан боғлиқ муаммоларга дуч келган "Барселона" футболчиларининг аҳволи ҳақида янги маълумотлар пайдо бўлди. JijantesFC нашрига таяниб, Barca Universal’нинг хабар беришича, Рафинья ва Фермин Лопес тикланиш жараёнида олдинга силжишни кўрсатган, аммо улар ҳали ҳам асосий жамоа билан машғулот ўтказмаяпти.
Шу билан бирга, Mundo Deportivo хабарига кўра, Рафинья ва Лопес келаси ҳафтадан асосий жамоа билан машғулотларни бошлайди. Ўшанда Ламин Ямалнинг ҳам сафга қайтиши кутилмоқда.
Эслатиб ўтамиз, Ла Лиганинг 8-турида "Барселона" "Севилья"га йирик 1:4 ҳисобида имкониятни бой берган эди. Каталонияликлар чемпионат турнир жадвалида иккинчи ўринни эгаллаб турибди.
