«Барселона» ҳимоячиси Пау Кубарси "эл-класико"ни футболдаги энг катта рақобат деб атади.

Ўтган мавсумда «Барселона» «Реал»ни тўрт марта мағлуб этган эди. Жорий мавсумда икки жамоа илк марта 26 октябрь куни Ла Лига доирасида учрашади.

«Эл-класико — футболдаги энг буюк тўқнашув. Биз ҳаммамиз бу учрашувда ўйнашни орзу қиламиз, чунки у доимо ҳал қилувчи аҳамиятга эга ва ҳеч қачон олдиндан тахмин қилиб бўлмайди. Келгуси ўйин жуда оғир ва кескин бўлади.

Ла Лига чемпионати узоқ давом этади, аммо ҳақиқат шундаки, "эл-класико" ҳар доим чемпионлик тақдирини белгилайди.

«Реал» ҳозир яхши формада, аммо менимча, бу танаффус «Барселона» фойдасига ишлайди.

Ҳаммамиз "класико"да иштирок этишни хоҳлаймиз. Илк ўйинимдёқ тушундимки, бу беллашувнинг руҳи бошқача.

«Сантьяго Бернабеу»да ҳар доим ўзига хос муҳит ҳукм суради. У ерда ўйнашнинг ўзи бир завқ, ғалаба қозонсанг — янада гўзал», — деди «Барселона» ҳимоячиси Пау Кубарси.