"Барселона" спорт директори Деку ярим ҳимоячи Френки де Йонг клуб билан шартномасини узайтиришга яқин эканлигини маълум қилди.

Нидерландиялик футболчининг амалдаги шартномаси келаси ёзда якунига етади. Томонлар янги шартнома борасида бир қанча вақт музокара олиб боришди, бироқ ярим ҳимоячи агентини ўзгартиришга мажбур бўлгани учун мунозаралар чўзилиб кетди.

"Френки ўз агентини ўзгартирди - биз ҳамма нарса ҳал бўлишини кутган эдик. Бу муаммонинг пулга алоқаси йўқ. Биз ҳозир якуний босқичдамиз ва ҳаммаси тез орада якунланади", - деди Деку.