Яримҳимоячи Бернарду Силва тез орада жамоасини ўзгартириши мумкин. Унинг "Манчестер Сити" билан амалдаги шартномаси 2026 йилнинг ярмигача мўлжалланган.
Calciomercato хабарига кўра, 31 ёшли Силванинг агенти билан дастлабки музокараларни А Сериянинг икки гранди - "Ювентус" ва "Милан" олиб борган. Бу клублар трансфер имкониятини чамалаб кўрмоқчи эди.
Иш ҳақи тўсиқ бўлиши мумкин. Ҳозирда "Манчестер Сити"да Бернарду йилига 10 миллион евро атрофида маош олади. Италия клублари бу миқдордаги маблағни жалб қилиши қийин бўлади.
Аввалроқ матбуотда Бернарду Силвага Саудия Арабистонининг бой клублари қизиқиш билдираётгани ҳақида хабарлар тарқалган эди.













