Букайо Сака Лондоннинг "Арсенал" клуби футболчилари орасида Англия терма жамоасининг энг яхши тўпурари бўлиб олди. Бу ҳақда Squawka статистик портали хабар бермоқда.

Манбага кўра, "канонирлар"нинг 24 ёшли форварди Уэльсга қарши ўртоқлик ўйинининг (3:0) 20-дақиқасида урган голи унинг учун ўн учинчи гол бўлди. Бунгача "Арсенал"нинг Англия терма жамоасидаги энг кўп гол урган футболчиси Клиффорд Бастин бўлиб, у 1931-1938 йиллар оралиғида 12 та гол урган.

Бастин 1928 йилдан 1947 йилгача "Арсенал" сафида ўйнаган ва клуб учун Англия чемпионатида 350 та ўйинда 150 та гол урган. Сака клубдаги фаолиятини 2018 йилда бошлаган ва 200 та АПЛ ўйинида 55 та гол урган.