Серж Гнабри Флориан Вирц "Ливерпул"да самарадорликни оширишига ишонмоқда.
Мерсисайдликлар сафида 10 та ўйинда 22 ёшли хавбек битта голли узатмани амалга оширди.
"Биз ҳаммамиз бир-биримизга [терма жамоада] жамоадош сифатида, айниқса, қийин вазиятга тушиб қолганларга ёрдам беришга ҳаракат қиламиз. Менда Флонинг ишлари яхши кетмаяпти, деган таассурот йўқ. У кулади ва яхши машқ қилади.
Унинг маҳоратига ҳеч ким шубҳа қилмайди, унинг ўзи ҳам шубҳа қилмаслиги керак. Йигитга вақт беринг, бу ўтиш жиддий қадам бўлди, аммо унда ажойиб фазилатлар бор ва ишончим комилки, у муваффақиятга эришади", - деди Германия терма жамоаси ва "Бавария" вингери.
