Миланнинг "Интер" клуби марказий ҳимоячиси Янн-Аурел Биссекк январь ойидаёқ жамоани тарк этиши мумкин.
Ёзда "нерадзуррилар" германиялик футболчи учун тахминан 40 млн евро сўраган эди. Маълум бўлишича, у мураббий Кристиан Кивуга унчалик керак эмас, шунинг учун қишда клуб футболчини анча арзонроққа сотишга тайёр бўлади. Bild нашри маълумотига кўра, "Интер" Биссек учун январда 20-25 млн евро атрофида пул сўрайди. Марказий ҳимоячига Англиянинг "Кристал Пэлас" клуби қизиқиш билдирмоқда, шунингдек, Бундеслига вакиллари ҳам даъвогарлар қаторида тилга олинмоқда.
Янн-Аурель Биссекк жорий мавсумда атиги икки марта майдонга тушди. 24 ёшли ҳимоячининг Transfermarkt сайтидаги баҳоланган нархи 35 млн еврони ташкил этади.
