Кеча ўртоқлик учрашувида Бразилия терма жамоаси Жанубий Корея терма жамоасини тор-мор этди (5:0). Бразилия терма жамоаси ва Мадриднинг "Реал" клуби вингери Родриго учрашувда дубль қайд этди.
Ҳужумчи ўйиндан сўнг ўз ҳаракатларини қуйидагича изоҳлади:
«Карло Анчелотти мени "Реал"да Вини билан кўп ўйнаган позицияга қўйди, бу жуда яхши ишлайди, биз ҳар сафар тил топишиб кетамиз. Анчелотти буни ҳаммадан яхши билади».
Эслатиб ўтамиз, Карло Анчелотти Бразилия терма жамоаси бошқарувига қадар Мадрид клубини бошқарган. Қўшимча қилиш жоиз, учрашувда "қаймоқранглилар"нинг яна бир вингери Винисиус ўз номини таблога ёздириб қўйди - форвард гол уриб, Родригога ассистентлик қилди.
