Лондоннинг "Тоттенхэм" клуби қишки трансферлар даврида янги дарвозабон сотиб олишни режалаштирмоқда. Бу ҳақда TEAMtalk хабар берди.
Манбага кўра, "шпорлар" аллақачон дарвозабон топиш устида иш бошлаган. Агар муносиб номзод топилса, битим январь ойида амалга оширилиши мумкин.
Жорий мавсумда "Тоттенхэм"нинг асосий дарвозабони Гильермо Викарио барча мусобақаларда ўнта ўйинда майдонга тушиб, тўққизта гол ўтказиб юборган ва тўрт марта ўз дарвозаси дахлсизлигини сақлаб қолган.
Антонин Кински Англия Лига кубогида фақат битта ўйинда майдонга тушиб, гол ўтказиб юбормаган.
