Леверкузеннинг "Байер" клуби спорт директори Симон Рольфес "Манчестер Сити"дан ижарага олинган Клаудио Эчеверри нега деярли майдонга тушмаётгани ҳақидаги саволга жавоб берди.
"Ҳукмрон футбол ўйнаш учун жамоа аввало ҳимояда барқарорликни қўлга киритиши керак. Бунга қанчалик тез эришсак, Эчеверри ва бошқа ҳужумчилар шунчалик кўп вақтга эга бўлади," - дея функционернинг сўзларини келтиради Bulinews.
"Байер" 19 ёшли аргентиналик футболчини ёзги трансферлар вақтида "Манчестер Сити"дан ижарага олди. Леверкузен жамоаси таркибида Эчеверри бешта учрашувда қатнашиб, битта голли узатмани амалга оширди. Аммо умумий ҳисобда хавбек 82 дақиқа ўйнади холос.
