Англия терма жамоаси бош мураббийи Томас Тухель "Барселона" ҳужумчиси Маркус Рэшфорднинг истиқболлари ҳақида фикр билдирди.

"Гап истеъдодда эмас, гап унинг клуб ва халқаро миқёсда ўзини кўрсата олишида. Унинг салоҳияти жуда, жуда юқори деб ўйлайман. Эҳтимол, бошқаларникидан баландроқдир," - деди Тухель матбуот анжуманида.

Мутахассиснинг фикрича, Рэшфорд дунёнинг энг яхшиларидан бири бўлишга қодир, чунки у футболчининг машғулотлардаги ишини кўради.

Ёзда Рэшфорд ижара асосида "Манчестер Юнайтед"дан "Барселона"га ўтган эди. У каталонияликлар сафида ўнта учрашувда учта гол урди ва бешта голли узатмани амалга оширди.