"Сантос"нинг бразилиялик ҳужумчиси Неймар Италия чемпионатига кўчиб ўтиши мумкин. Бу ҳақда SportMediaset хабар бермоқда.
Таъкидланишича, Неймар атрофидагилар футболчини январь ойидаги трансферлар вақтидаёқ Европага қайтармоқчи. Манбага кўра, ҳозирда футболчининг агентлари "Интер" ва "Наполи" вакиллари билан жуда яхши муносабатда.
Неймар жорий тақвим йили бошидан буён "Сантос" шарафини ҳимоя қилмоқда. У жамоа таркибида 21 та ўйинда майдонга тушиб, 6 та гол урди ва 3 та голли узатмани амалга оширди.













